МОЛИТВЫ УТРЕННИЕ
Во имя Отца и Сына и Святаго Духа. Аминь (Трижды).
Молитва мытаря
Боже, милостив буди мне грешному.
МОЛИТВА ИИСУСУ ХРИСТУ
Господи, Иисусе Христе, Сыне Божий, помилуй мя грешного.
СЛАВОСЛОВИЕ
Слава Тебе, Боже наш, слава Тебе.
МОЛИТВА СВЯТОМУ ДУХУ
Царю Небесный, Утешителю, Душе истины, иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
ТРИСВЯТОЕ
Святый Боже, Святый Крепкий, Святый Безсмертный, помилуй нас (Трижды).
СЛАВОСЛОВИЕ
Слава Отцу и Сыну и Святому Духу, ныне и присно и во веки веков. Аминь.
МОЛИТВА КО ПРЕСВЯТОЙ ТРОИЦЕ
Пресвятая Троице, помилуй нас, Господи, очисти грехи наша; Владыко, прости беззакония наща; Святый посети и исцели немощи наша имене Твоего ради.
Господи, помилуй (Трижды).
МОЛИТВА ГОСПОДНЯ
Отче наш, иже еси на небесах! Да святится имя Твое, да приидет Царствие Твое, да будет воля Твоя, яко на набеси и на земли. Хлеб наш насущный даждь нам днесь; и остави нам долги наша, яко же и мы оставляем должникам нашим; и не введи нас во искушение, но избави нас от лукавого. Яко Твое есть Царство и сила и слава, Отца и Сына и Святаго Духа, ныне и присно, и во веки веков. Аминь.
ПЕСНЬ ПРЕСВЯТОЙ БОГОРОДИЦЕ
Богородице Дево, радуйся, Благодатная Марие, Господь с Тобою; благословенна Ты в женах и благословен Плод чрева Твоего , яко Спаса родила еси душ наших.
МОЛИТВА КО ПРЕСВЯТОЙ БОГОРОДИЦЕ
Благаго Царя Благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина Чистая и Благословенная.
МОЛИТВА КО СВ. АНГЕЛУ ХРАНИТЕЛЮ
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коем гресе прогневаю Бога моего; но моли за мя грешнаго и недостойного раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
ПОКАЯННАЯ МОЛИТВА-
Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко Благ и Человеколюбец.
МОЛИТВА О ЖИВЫХ
Спаси, Господи, и посли здравие родителям моим, братьям, сестрам, сродникам моим (имена) и помилуй нас и всех православных христиан.
МОЛИТВА О УСОПШИХ
Упокой, Господи, души усопших раб Твоих родителей моих (имена), сродников (имена), и всех православных христиан, и прости им вся согрешения вольная и невольная, и даруй им Царствие Небесное.
МОЛИТВЕННОЕ ПРИЗЫВАНИЕ СВЯТОГО,
ИМЯ КОТОРОГО НОСИШЬ
Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.
ВЕЧЕРНЯЯ МОЛИТВА
Господи Боже наш, еже согреших во дни сем словом, делом и помышлением, яко Благ и Человеколюбец прости ми. Мирен сон и безмятежен даруй ми. Ангела Твоего хранителя посли, покрывающа и соблюдающа мя от всякого зла, яко Ты еси хранитель душам и телесем нашим, и Тебе славу возсылаем. Отцу и Сыну и Святому Духу, ныне и присно и во веки веков. Аминь.
ОКОНЧАНИЕ МОЛИТВ
Достойно есть яко воистину блажити Тя Богородицу Присноблаженную и Пренепорочную и Матерь Бога нашего, Честнейшую Херувим и славнейшую без сравнения Серафим, без истления Бога Слова рождщую, сущую Богородицу Тя величаем.
Во имя Отца и Сына и Святаго Духа. Аминь.
МОЛИТВА ПЕРЕД ВКУШЕНИЕМ ПИЩИ
Отче наш, иже еси на небесех...
МОЛИТВА ПОСЛЕ ВКУШЕНИЯ ПИЩИ
Благодарим Тя, Христе Боже наш, яко насытил еси нас земных Твоих благ; не лиши нас и Небеснаго Твоего Царствия.
СИМВОЛ ВЕРЫ
Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воп лотившагося от Духа Свята и Марии Девы и вочеловеч шася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым. Егоже Царствию не будет конца. И в духа Святаго, Господа, Животворяющаго, иже от Отца исходащаго, иже со Отцем и Сыном спокляняема и славима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.