День памяти святых мучениц Веры , Надежды , Любови

и матери их  Софии.

 ***

Тропарь

Торжествует Церковь первородных, и свеселится , приемля матерь , о чадех веселящуюся , яже яко мудрости тезоименитая тройственным богословским добродетелем равночисленныя породи. Тыя с мудрыми девами зрит уневестившиеся Жениху Богу Слову , с нею и мы духовне в памяти их свеселимся , глаголюще :Троице поборницы , Веро , Любве и Надеждо , в вере , любви и надежде утверждайте нас.

Святым мученицам  Вере , Надежде , Любови и матери их Софии  молятся о счастье и благополучии детей , о воспитании детей , о любви между родителями и детьми.  Считается что молитвы к ним помогут избавиться от болей в суставах , от женских заболеваний.

Молитва .

Вас, Святыя мученицы , Веро , Надеждо   и Любы , славим , величаем и ублажаем , купно с мудрою материю Софиею , ей же поклоняемся , яко образ богомудраго попечения являющей . Умоли , святая Веро , Творца видимых и невидимых , да веру крепку , неблазненну и нерушиму подаст нам . Ходатайствуй , святая Надеждо , пред Господом Иисусом за нас грешных , да упование на благая Своя не отженет от нас , и от всякия скорби  и нужды да избавит ны. Исповеждь , святая Любы , Духу истины , Утешителю , напасти и печали наша , да Той свыше сладость небесную низпослет душам нашим . Помозите убо в бедах наших , святыя мученицы , и, купно с мудрою материю вашею Софиею,молите Господа  Бога , да сохранит под кровом Своим  Церковь Свою Святую.Такожде и о всех нас вашего теплаго предстательства пред Богом усердно молим , да купно с вами и со всеми святыми превознесем  и препославим пресвятое и великое имя Отца и Сына и Святаго Духа Бога , предвечнаго Владыки и благих Содетеля , ныне и присно и во веки веков . Аминь.

Св. Мученица Любовь

Св. Мученица Надежда