zoloto7 все записи автора Седмица 23-я по Пятидесятнице. Глас 5.

Поста нет.
Апостола Иакова, брата Господня по плоти (ок. 63). Прп. Иакова Боровичского, Новгородского чудотворца (ок. 1540).

Сщмчч. Николая, Владимира, Александра, Николая, Емилиана и Созонта пресвитеров (1937). Прмц. Евфросинии (1942).

Свт. Игнатия, патриарха Константинопольского (877-878). Прп. Елисея Лавришевского (ок. 1250).

Тропарь апостола Иакова
глас 2
Яко Господень ученик восприял еси, праведне, Евангелие,/ яко мученик имаши еже неописанное,/ дерзновение яко брат Божий,/ еже молитися яко иерарх:// моли Христа Бога спастися душам нашим.

Кондак апостола Иакова
глас 4
Отчее Единородное Бог Слово,/ пришедшее к нам в последния дни,/ Иакове Божественне,/ перваго тя показа/ иерусалимлян пастыря и учителя,/ и вернаго строителя таинств духовных:// темже тя вси чтим, апостоле.

Тропарь блаженного Иакова Боровичского, Новгородского чудотворца
глас 1
Божественною благодатию просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей пренесение,/ веселяще вкупе души и телеса./ Тем вси вопием:/ слава Давшему ти крепость!/ Слава Венчавшему тя!/ Слава Действующему тобою всем исцеления!
Кондак блаженного Иакова Боровичского, Новгородского чудотворца
глас 8
Верою и любовию/ твое честное пренесение празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православныя люди,/ молящия тя, да вси вопием ти:/ радуйся, отче Иакове,/ всея Российския земли удобрение.
Тропарь преподобного Елисея Лавришевского и святителя Лаврентия, затворника Печерского, епископа Туровского в Ближних пещерах
глас 3
Преподобне отче наш Елиссее,/ с Лаврентием чудным подвизался еси, учителю своему подражая,/ земную славу и честь стопам Христа повергли есте,/ темже Господь увенча вас/ нетленным венцем славы Своея.